Formatzione

In custa setzione agatades totus sas nobas e sas informatziones chi pertocant sos cursos de limba sarda.

Sa Comuna de Arresi e sa Comuna de Teulada, in su cuntestu de su progetu “Arrexini2.0”, ant organizadu pro s'annualidade 2019 duos cursos de limba sarda de I livellu de 35 oras cada unu: unu pro sa Comuna de Arresi e unu pro sa Comuna de Teulada.

Sos cursos interessant mescamente sos dipendentes de sas Amministratziones Comunales ma si non si segudat su nùmeru de sos partetzipantes podent leare parte finas sos insenniantes e sos tzitadinos.

Sos cursos sunt a indonu ca ddus finantziat sa Regione Autònoma de Sardigna cunforma a sa L. 482/99 “Normas in matèria de amparu de sas minorias linguìsticas istòricas”.

Ocannu pro neghe de su Covid, sas letziones de sos cursos inghitzados in presèntzia sighent in sa piataforma Zoom. Po custu motivu s'Amministratzione Comunale de Arresi at detzìdiu de abèrrere su cursu finas a sos dipendentes, a sos insenniantes e a sos tzitadinos chi non sunt residentes in sa Comuna e de pònnere in su giassu ”Arrexini.eu” sas letziones de su cursu.

Articoli per categoria

Arresi. Su Cursu de Limba Sarda sighit “on line” in sa piataforma Zoom

Sa Comuna de Arresi faghet ischire a totus sos tzitadinos chi su Cursu de Limba Sarda de I livellu, incumentzadu su 1° de Cabudanni, sighit in sa retza (on line) in sa piataforma Zoom. Si arritzint iscritziones nobas. Su cursu chi in custu momentu est suspèndidu torrat a incumentzare su 20 de Ladàmine 2020 a is 15.30. Sas letziones ddas fàghet Prof. Mario Puddu …

leghe de prus  
Arresi. Cursu de Limba Sarda de 1° livellu. Si arritzint sas iscritziones. Su cursu est a indonu.

Sa Comuna de Arresi faghet ischire a sos tzitadinos chi at organizadu unu Cursu de Limba Sarda de I livellu e si arritzint sas iscritziones .
Su cursu incumentzat su 1° de Cabudanni 2020,in su Tzentru de Agregatzione Sotziale, in bia G. Mariano, a sas batoro e mesu de a merie (16.30) …

leghe de prus  
Teulada. Cursu de Limba Sarda de 1° livellu. Si arritzint sas iscritziones. Su cursu est a indonu.

Sa Comuna de Teulada faghet ischire a sos tzitadinus chi at organizadu unu Cursu de Líimba Sarda de I livellu e si arritzint sas iscritziones .
Su cursu incumentzat su 2 de Cabudanni 2020, in sa Domo Baronale, in Pratza Parrocchia, a sas batoro e mesu de a merie (16.30) …

leghe de prus