Teulada: Avisu. Esertzìtziu de su cummèrtziu itinerante in su Demàniu marìtimu. Annu 2021

Teulada: Avisu. Esertzìtziu de su cummèrtziu itinerante in su Demàniu marìtimu. Annu 2021

In esecutzione de su "Regulamentu Comunale de disciplina pro sa fruitzione de sa plaia de Tuerredda" aprovadu cun Deliberatzione de su Consìgiu Comunale n. 12 de su 19 de Maju 2020 e cun sa Delìbera de sa Giunta Comunale n. 62 de su 28 de Maju 2020 "Inditos a su Responsàbile suba su cummèrtziu itinerante in su demàniu marìtimu de custa Comuna", pro s'istajone balneare 2021, su numeru cumplessivu non derogàbile de autorizatziones a su cummèrtziu in su demàniu marìtimu est aici definidu:

  • n. 5 (chimbe) operadores pro su setore non alimentare de autorizare a su cummèrtziu itinerante in sa plaia de Tuerredda";

  • n. 10 (deghe) operadores de autorizare a su cummèrtziu itinerante in totus is àteras plaias de Teulada ( esclusa Tuerredda) de custus: 4 (bàtoro) pro su setore alimentare, 6 (ses) pro su setore no alimentare.

Si faghet ischire

Chi totus is titulares de autorizatziones pro s'esertzìtziu de su cummèrtziu in logos pùblicos chi bolent esertzitare s'atividade issoro in is àreas de su Demàniu Marìtimu in s'istajone istadiale 2021, depent presentare, intro e non prus a tardu de su 30 de Abrile 2021, istàntzia in bullu direta a s'Ufìtziu Demàniu Comunale, impitende su mòdulu apòsitu ammaniadu dae sa Comuna chi s'agatat in su giassu: http://www.comune.teulada.ca.it

MODALIDADE DE PRESENTATZIONE DE IS ISTÀNTZIAS

Sa dimanda at a dèpere lòmpere a s'Ufìtziu Protocollu de sa Comuna a manera esclusiva pro mèdiu de posta eletrònica tzertificada (PEC) a s'indiritzu: protocollo@pec.comune.teulada.ca.it

A sa dimanda depet èssere alliongiada sa documentatzione afatante:

  1. Còpia de s'autorizatzione pro su cummèrtziu in logos pùblicos bàlida;

  2. Documentos relativos a is annos de presèntzias maturada in àrea demaniale;

  3. Tzertificadu iscritzione a su REA, emìtidu dae sa CCIAA in data no antetzedente a tres meses;

  4. Fotocòpia de unu documentu de identidade bàlidu;

  5. Còpia de su permissu de permanèntzia (pro is operadores extracomunitàrios);

  6. Pagamentu de èurus 52,00 a favore de sa Comuna de Teulada, in su cc/pp n. 16159097, cun sa causale: "Deretos de segreteria pro is gastos de istrutòria prevìdidos dae s'art. 11 de su Regulamentu de esecutzione de su Còdice de Navigatzione, chi sunt istadas cantificadas, in mora de istatuitzione apòsita dae parte de sa Comuna de Teulada, in sa mesura istabilida dae sa Regione Autònoma de Sardigna.

Sa documentatzione in su puntu 2 at a pòdere èssere prodùsida pro mèdiu de declaratzione sostitutiva de atu de notoriedade in is formas prevìdidas dae su DPR 445/2000.

No ant a èssere pigadas in cunsideru is dimandas chi non sunt acumpangiadas dae sa documentatzione subra narada ne is dimandas presentadas in antis de sa publicatzione de custu avisu pùblicu.

DURADA E BALIDIDADE DE IS AUTORIZATZIONES

Is autorizatziones a su cummèrtziu itinerante in su demàniu marìtimu, in totus is localidades balneares de sa Comuna de Teulada sunt bàlidas dae sa die chi sunt istadas emìtidas e semper e cando non in antis de su 1 de Làmpadas 2021 e ant a iscadire in manera automàtica, chena bisòngiu de àteros avisos, in data 30 de Cabudanni 2021.

Su Responsàbile de su Protzedimentu est Dot. Emanuele Olla, Cumandante de sa Politzia locale e Responsàbile de s'Ufìtziu Demàniu Comunale.

Pro àteras informatziones is interessados podent cuntatare s'Ufìtziu Demàniu a su nùmeru: 070/ 9270785