Teulada: Cunvocatzione Consìgiu Comunale. 12 de Martzu 2021

Teulada: Cunvocatzione Consìgiu Comunale. 12 de Martzu 2021

Su Consìgiu Comunale est cunvocadu pro su 12 de Martzu 2021 a is 16:30 in setziada ordinària pro chistionare de:

                                    s'òrdine de trabballos pro sa die

  1. Achirimentu a su Demàniu Comunale de àreas privadas pro megiorare su percursu pro pedones e bitzicretas de collegamentu de su tzentru abitadu de Teulada cu su Portu turìsticu.
  2. Achirimentu a su Demàniu Comunale de àreas privadas pro megiorare sa calidade de sa rugradura de sa pista pro pedones e bitzicretas "Teulada – Portu turìsticu" tra s'Istrada Provintziale n. 71 e s'istrada comunale de Sant'Isidoru.
  3. Istùdios de assentu idrogeològicu de su territòriu comunale redatzionados cunforma a s'art. 8 de is N.A: de su P.A.I. cun proposta de variante a su P.A.I., cunforma a s'art. 37 c. 3 lit.b9 de is N.A. De sa deliberatzione de su Consìgiu Comunale n. 9/2020. Nota ADIS prot. 12782 de su 24 de Nadale 2020. Adotzione integratziones.
  4. Aprovatzione programma triennali òperas pùblicas (2021-2023) e elencu annuali 2021, cun aprovatzione cuntestuale de su programma biennali pro s'achirimentu de fruniduras e servìtzios (2021-2022).
  5. Pianu de is alienatziones e valorizatziones 2021-2023. Reconnoschimentu de is immòbiles chi non serbint a s'esertzìtziu de is funtziones istitutzionales, chi podent èssere valorizados, isbandonados o destinados a istrumentos sussidiàrios pro sa gestione de immobiles pùblicos.
  6. Validatzione e aprovatzione de su pianu econòmicu finantziàriu de su servìtziu de s'àliga (TARI) pro s'annu 2021.
  7. Aprovatzione tarifas TARI pro s'annu 2021.
  8. Aprovatzione alìcuotas IMU pro s'annu 2021.
  9. Cunfirma alìcuotas additzionales IRPEF pro s'annu 2021.
  10. Aprovatzione de sa nota de agiornamentu a su DUP pro is tres annos 2021-2023.
  11. Aprovatzione de s'ischema de bilantzu de previsione pro is tres annos 2021-2023.
  12. Risposta a is interrogatziones de su Grupu de minoria "TeuladAdesso", Prot. 1241 de su 1 de Freàrgiu 2021, Prot. 1242 de su 1 de freàrgiu 2021, Prot. 1243 de su 1 de Freàrgiu 2021 e Prot. 1245 de su 1 de Freàrgiu 2021.

Respetende is dispositziones pro cuntrastare s'isparghinadura de su virus Covid19, sa setziada si faghet sena de pùblicu, e sa dispositzione de is consigeris in is bangos de s'àula at a èssere fata in manera de garantire sa distàntzia de seguresa tra de is pessones.

Sa setziada at a èssere trasmitida in direta streaming in sa pàgina Facebook de sa Comuna de Teulada.

Su Sìndigu, Dot. Daniele Serra.